買樓好,定係租樓好呢? 
Written by Michael Leung on AUG 2020
究竟係買樓好?  定係租樓好呢?
   
因為香港高地價政策係不會大變,樓價長遠睇,只會變得越來越貴。而且樓價永遠是長期看漲的,因為通脹同埋銀紙貶值。加上香港「土地供應」長期不足,所以,只要大家儲到首期,都係應該買樓自住。 

但是,大家都明白係香港地買樓絕非易事,不過大部分人都寧願買不租,其中一個考慮是長遠計「資產增值因素」。 
 
過去十年本港二手樓價升幅超過兩倍,業主基本上是有賺,加上美國而家重回零息時代,香港仍處於低息環境下,相信可減輕業主供款壓力,物業最終成為自己的資產一部分。 
 
再者,租樓就等於幫人供樓,租金永遠只係一筆一去冇回的「淨支出」,租樓30年後,都儲唔到任何資產。而且不能增值。 所以,買樓自住\投資,都是累積財富的起步點。 
 
由於買樓可以申請最長三十年按揭,係一個可以用時間令「債務貶值」的最好工具。 
 
因為在香港借入的港元等同美金 (假定聯繫匯率未脫鉤),現在美國政府搏命印鈔下,美元大方向係貶值,等同港元都會越來越貶值,貨幣越來越唔值錢。所以,何不現在先行借入港元買入一間樓房資產,慢慢等物業升值。 
 
而且樓市供需仍然失衡,如果把每年新落成單位的數目,與同年登記結婚數字作比較,便發覺新增登記結婚數目,遠高於新屋落成數目,而且有拉闊跡象。 

根據差餉物業管業處的資料顯示,2018年實際私人單位落成21000伙,而該年結婚數目係49300鐘,換言之兩者相差28300伙。
 
2019年實際落成量只有13,643伙,當中減少7,300伙,而去年結婚數目44500中,相差約30,000伙, 香港長期地少人多,加上持續剛性需求,而供應情況短期難以明顯改善,都是支持樓價的原因。 

 

Michael Leung 梁嘉慶


我是 Michael Sir 梁嘉慶,我有15年銀行按揭業務經驗; 另外,我亦曾於大型發展商工作。我會幫助新手買樓的朋友,建立正確的心態、做好預算和如何有效申請按揭。帶領大家買樓上車一 Take過!
FB Comments Will Be Here (placeholder)
©2020 MichaelLeung.org

Powered By ClickFunnels.com